Vazhdon debati Mushkolaj-Bajrami, përmenden vrasjet e pasluftës: E dini për kë e kam fjalën!

Aktuale

Vazhdon debati Mushkolaj-Bajrami, përmenden vrasjet e pasluftës: E dini për kë e kam fjalën!

Nga: A.M. Më: 29 nëntor 2021 Në ora: 18:37
Imer Mushkolaj dhe Hykmete Bajrami

Po vazhdon ‘përplasja’ virtuale ndërmjet analistit politik, Imer Mushkolaj dhe ish-ministres së Financave, Hykmete Bajramit, përcjell “Bota sot”.

Gjithë debati filloi, kur Mushkolaj i tha Bajramit të heshtte dhe të mos kërkonte zbardhjen e vrasjes në Deçan, pasi krimi i vjedhjes së 2.1 milion eurove nuk është zbuluar ende.

Pas kundërpërgjigjes së ish-ministres, analisti ia bëri me dije Bajramit se e di shumë mirë se ç’po ndodh me procesin e 2.1 milionë eurove të vjedhura.

Madje, Mushkolaj tha se vrasjet e pasluftës disa i kanë përdorur për fushtata elektorale, gjë që e di edhe ish-ministrja Bajrami.

Postimi i plotë

Zonja Bajrami, se çfarë ka ndodhur dhe ç'po ndodh me procesin e 2.1 milionë eurove e di shumë mirë. Skandali ka ndodhur gjatë qeverisjes tuaj. Qytetarët presin që paratë e vjedhura të kthehen në buxhet deri në centin e fundit. Sa për vrasjet në Kosovë, që nga përfundimi i luftës deri tash, jam ndër ata që vazhdimisht, publikisht jam angazhuar për zbardhjen e tyre. Për fat të keq, ato vrasje dikush i ka përdorur edhe për fushata elektorale. Besoj e dini për kë e kam fjalën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat