“Vrasja në Gllogjan ishte mirë e përgatitur”

Aktuale

“Vrasja në Gllogjan ishte mirë e përgatitur”

Më: 29 nëntor 2021 Në ora: 22:09
Foto

Zv.kryetari i parë i Komisionit për Çështjet e Sigurisë dhe Mbrojtjes, Enver Dugolli ka thënë se institucioneve të sigurisë duhet t’u jepet kohë për të hetuar krimin në Gllogjan.

Deputeti i LVV-së thotë se duhet përmbajtur nga motivet e mundshme që mund të lidhen me vrasjen në Gllogjan pasi ka fare pak informacione për rastin.

“Shihet që është një vrasje e përgatitur mirë, vrasje shumë profesionale dhe e paramenduar. Me vet faktin se ka shumë pak gjurmë në vendin e ngjarjes kjo na len të kuptojmë se nuk është vrasje e zakonshme por mirë e përgatitur”, tha ai në “Debat Plus”.

Ai thotë se në zbardhjen e rastin janë involvuar të gjitha institucionet e sigurisë në Kosovë.

“Pasi rasti është shumë i rëndë dhe i ndjeshëm, edhe vet Qeveria ka dhënë shpërblimin për të gjithë ata që japin informacione që do të çojnë në kapjen e autorit të vrasjes së trefishtë”, deklaroi Dugolli.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat