Bujar Dugolli reagon për emërimin e Bashkim Jasharit: FSK trashëgimtare e denjë e UÇK-së

Aktuale

Bujar Dugolli reagon për emërimin e Bashkim Jasharit: FSK trashëgimtare e denjë e UÇK-së

Nga: M.L. Më: 30 nëntor 2021 Në ora: 16:32
Bujar Dugolli

Profesori Universitar Bujar Dugolli, vlerëson se emërimi i Bashkim Jasharit në krye të Forcës së Sigurisë së Kosovës, tregon se kjo ushtri është trashëgimtare e denjë e Ushtrisë Çlirimtare të Kosovës.

Me këtë rast, ai ka thënë se edhe Gjeneral Rama duhet falënderuar për angazhimin e deritanishëm, në të gjitha etapat e zhvillimit të ushtrisë sonë.

Postimi i plotë:

Sot, Presidentja e Kosovës, znj. Vjosa Osmani e ka emëruar gjeneralmajor Bashkim Jasharin komandant të ri të Forcës së Sigurisë së Kosovës, pas rekomandimit nga Kryeministri Kurti.

Ky emërim i Bashkimit në krye të Ushtrisë së Kosovës, tregon se kjo ushtri është trashëgimtare e denjë e Ushtrisë Çlirimtare të Kosovës, për të cilën dhanë kontribut si pak kush Bashkimi dhe Gjeneral Rama, të cilin po ashtu duhet falënderuar për angazhimin e deritanishëm, në të gjitha etapat e zhvillimit të ushtrisë sonë.

FSK-ja është krenaria e Kosovës!

Urime!

B.D.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat