Ish-luftëtari që stërviti bashkë me Adem Jasharin flet për karakterin e legjendarit

Aktuale

Ish-luftëtari që stërviti bashkë me Adem Jasharin flet për karakterin e legjendarit

Më: 1 dhjetor 2021 Në ora: 17:57
Faton Gajtani

Luftëtari Faton Gajtani, ka folur për karakterin e komandantit legjendar të UÇK-së, Adem Jasharin, të cilin e njohu personalisht, sepse bashkë kishin kryer ushtrimet e para ushtarake në Tiranë.

Gajtani tha se Adem Jashari ka qenë njeri gazmor, jo i mrrolur sic flitet për të. Gajtani tha se me Adem Jasharin kanë kënduar e vallëzuar me raste.

“Përveç fizikut, ka qenë njeri gazmor. Shpesh kur flitet për Adem Jasharin, flitet për një hero sikur ishte i mrrolur. Ka qenë gazmor në fakt, korpulent, shoqërues, kemi vallëzuar e kënduar mbrëmjeve”, është shprehur Gajtani.

Tutje, Gajtani foli edhe për grupin e Drenicës, pjesë e së cilit ishin Ilaz Kodra, Murat Jashari e të tjerë.

“Ka qenë normal, por veprat i ka pasur pak më ndryshe se të tjerët. Grupi i Drenicës ishte pak më i organizuar sesa ne”, tha Gajtani.

“Adem Jashari, Murat Jashari, Sahit Jashari, Adem Dërguti… Ilaz Kodra, i cili me grupin e Drenicës, është dalluar”, shtoi Gajtani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat