Edhe Ramiz Lladrovci reagon pas emërimit të Bashkim Jasharit komandant i FSK-së

Aktuale

Edhe Ramiz Lladrovci reagon pas emërimit të Bashkim Jasharit komandant i FSK-së

Nga: N. Sh. Më: 1 dhjetor 2021 Në ora: 19:59
Ramiz Lladrovci

Në krye të Forcës së Sigurisë së Kosovës, tashmë është Bashkim Rifat Jashari.

Ardhja e Jasharit në krye të FSK-së është pritur mjaftë mirë në Kosovë.

Kreu i Drenasit, Ramiz Lladrovci thotë se Bashkim Jashari është dëshmitar i lidnjes së historisë tonë të re.

Sipas tij, Jashari është kontribuues dhe bartës i përgjegjësive të papërsëritshme në trashëgiminë çlirimtare dhe shtetndërtuese.

Reagimi i plotë:

Gjeneral Rrahman Ramën e përgëzoj për kontributin e madh në UÇK, TMK dhe FSK, si ushtar i UÇK-së e deri në arritjen e gradës Gjeneral dhe komandant i FSK-së.

Gjeneral Rama, është model i ushtarit, ushtarakut dhe komandantit të suksesshëm të FSK-së. I dëshiroj suksese në jetë dhe gjithë të mirat. Respekt për punën tuaj Gjeneral!

Gjeneral Bashkim Jashari, është dëshmitar i lindjes së historisë tonë të re, kontribuues dhe bartës i përgjegjësive të papërsëritshme në trashëgiminë çlirimtare dhe shtetndërtuese, nga UÇK-ja e deri tash, Ushtrinë e Kosovës.

Emërimin e gjeneral Jasharit Komandant të FSK-së, e përshëndes nga zemra, me përgëzimet më të mira për sukseset e mëtejme të fuqizimit të saj, në vazhdimin e rrugës së ushtrisë tonë brenda NATO-s dhe t’i shërbej paqes dhe bashkëpunimit.

Urime, suksese gjeneral Bashkim Jashari!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat