Ambasadori gjerman kërkon qasje kontruktive nga partitë për arritjen e kuorumit

Aktuale

Ambasadori gjerman kërkon qasje kontruktive nga partitë për arritjen e kuorumit

Më: 2 dhjetor 2021 Në ora: 14:55
Jorn Rohde

Dështimet e mbledhjeve të Kryesisë së Kuvendit të Kosovës për të caktuar seancat plenare kanë nxitur reagimin e ambasadorit Gjermanisë në Kosovë, Jorn Rohde.

Ambasadori gjerman shpreson që të gjendet një qasje konstruktive nga të gjitha partitë politike dhe të arrihet kuorumi për mbledhjen e kryesisë.

“E rëndësishme që Kuvendi dhe të gjithë deputetët i përmbahen përgjegjësisë së tyre demokratike. Shpresoj për një qasje konstruktive nga të gjitha partitë politike për mbledhjen e Kryesisë së Kuvendit dhe arritjen e kuorumit së shpejti”, ka shkruar Rohde në “twitter”.

Kujtojmë që në mungesë të kuorumit për gjashtë herë ka dështuar mbledhja e Kryesisë së Kuvendit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat