Zëvendësministri i Drejtësisë, Blerim Sallahu ka folur për shkarkimet që ka bërë kjo ministri në Shërbimin Korrektues të Kosovës.
Sallahu ka thënë se shkarkimet nuk kanë qenë politike, por sipas tij të gjitha kanë bazën në dokumentacione.
“Unë flas për Ministrinë e Drejtësisë, secili shkarkim që është bërë deri sot është bërë mbi bazën e auditimit të brendshëm. Në momentin që është vlerësu që ka mosrespektim të procedurave ligjeve brenda SHKK janë marrë masa”, ka thënë Sallahu.
“Në Ministrinë e Drejtësisë secili vendim është bërë mbi bazën e dokumentacioneve, s’ka asgjë politike, është faktike. Kemi bërë edhe shkarkimin e drejtorëve të burgjeve. Mbi bazën e provave i kemi nisur ndryshimet”, ka shtuar Sallahu.