Demi: SHBA fut në listën e zezë kumbarët e koalicionit qeverisës PAN

Aktuale

Demi: SHBA fut në listën e zezë kumbarët e koalicionit qeverisës PAN

Nga: A.ZH Më: 8 dhjetor 2021 Në ora: 20:49
Milan Radojiçiq dhe Ramush Haradinaj

Sot, Zyra për Kontrollin e Pasurive të Huaja e Departamentit të Thesarit të ShBA-së ka targetuar 16 individë nga 24 entite në disa shtete të Evropës dhe Hemisferës Veriore.

Në mesin e tyre gjenden edhe zyrtarë serbë, që njihen për krimin e organizuar në veri të Kosovës.

Millan Radojiçiq, Zvonko dhe Zharko Vesellinoviq, Srgjan Vulloviq, Zhelko dhe Andrija Bojiq dhe Radulle Steviq - të gjithë serbë nga Kosova - janë vënë në listën e “zezë” nga SHBA.

Millan Radojiçiq, nënkryetar i Listës serbe, ishte përmendur shumë për takimin që kishte me ish-kryeministrin e Kosovës Ramush Haradinaj.

Lidhur me këtë ka reaguar analisti i çështjeve politike Agron Demi, përcjell Bota sot.

“Sot SHBA paska fut në listën e zezë kumbarët e koalicionit qeverisës PAN”, ka shkruar ai në një postim në Facebook.

Në komunikatën e lëshuar nga Departamenti i Thesarit të Shtetit, thuhet se Zvonko Veselinoviq dhe vëllai i tij Zharko Jovan Veselinoviq kanë pasur marrëveshje me politikanë për t’i ndihmuar partitë e tyre për t’i fituar zgjedhjet dhe në këmbim politikanët do t’i garantonin vëllezërve Veselinoviq kontrollë të disa bisneseve në disa rajone.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat