Inspektorati zbarkon në QKUK, ndalon përkohësisht përdorimin e ceftriaxonit

Aktuale

Inspektorati zbarkon në QKUK, ndalon përkohësisht përdorimin e ceftriaxonit

Më: 6 janar 2022 Në ora: 15:34
Inspektorati zbarkon në QKUK, ndalon përkohësisht përdorimin e ceftriaxonit

Inspektorati Farmaceutik i Ministrisë së Shëndetësisë ka zbarkuar sot në Klinikën e Kirurgjisë në QKUK.

Ardhja e tyre ka ndodhur pas thirrjes nga drejtori i Shërbimit Spitalor Klinik Universitar, Valbon Krasniqi, për shkak të raportimit të mediave lidhur me gjetjen e një cope metali brenda një injeksioni ceftriaxon.

“E kam informuar inspektoratin dje pasdite menjëherë pasi mora informatën. Kanë qenë sot dhe jemi duke pritur raportin e tyre”, ka deklaruar Krasniqi.

Inspektorati ka marr vendim që të ndalojë përkohësisht përdorimin e antibiotikut ceftriaxone në kirurgji.

Ky vendim ka ardhur si masë e parë për të parandaluar rrezikimin e shëndetit të pacientëve, pasi gjatë ditës së djeshme u has në një copë metali brenda një injeksioni ceftriaxone.

Për këtë rast ende nuk ka pasur ndonjë reagim nga Ministria e Shëndetësisë dhe ministri Rifat Latifi. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat