Lirohet nga paraburgimi njëri prej të arrestuarve në rastin “Subvencionet”

Aktuale

Lirohet nga paraburgimi njëri prej të arrestuarve në rastin “Subvencionet”

Më: 7 janar 2022 Në ora: 17:21
Policia e Kosovës

Është liruar nga paraburgimi Valon Hoti, njëri nga të arrestuarit në rastin e njohur si “Subvencionet”.

Hoti i cili mbante pozitën e Inspektorit të Tregut në Podujevë ishte arrestuar në aksionin e korrikut, që ishte zhvilluar në Agjencinë për Zhvillimin e Bujqësisë, në kuadër të ministrisë së Bujqësisë.

Gjashtë muaj më pas, Gjykata Themelore në Prishtinë, ka vendosur që Hoti të lirohet nga masa e paraburgimit, dhe e njëjta i zëvendësohet me masën e arrestit shtëpiak.

Ky vendim, deri në një të radhës do të vlejë nga 6 deri më 24 janar 2022.

Vendimin për ndërprerjen e paraburgimit e ka konfirmuar edhe avokati Ahmet Tahiri.

“Klientit tim i është ndërprerë paraburgimi. I është zëvendësuar me arrest shtëpiak”, ka thënë Tahiri

Ndryshe, Hoti ishte në mesin e 21 personave të arrestuar në aksionin e korrikut, që ishte zhvilluar në Prishtinë, Podujevë, Pejë, Gjilan dhe Istog – grup ky që akuzoheshin për marrje rryshfeti, dhënie ryshfeti, keqpërdorim të pozitës zyrtare, ushtrim i ndikimit, dhe disa vepra të tjera.

Pjesa tjetër e grupit vazhdojnë të jenë në paraburgim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat