Lladrovci kritikohet për akuzat ndaj “njerëzve të Samisë” dhe takimin me të

Aktuale

Lladrovci kritikohet për akuzat ndaj “njerëzve të Samisë” dhe takimin me të

Më: 14 janar 2022 Në ora: 15:41
Ramiz Lladrovci dhe Sami Lushtaku

Kryetari i Komunës së Drenasit, Ramiz Lladrovci është kritikuar nga opozita në Drenas për shkak të vizitës që i ka bërë të enjten nënkryetarit të Komunës së Skenderajt, Sami Lushtakut, për marrjen e mandatit të ri në këtë komunë.

Kryetari i iniciativës qytetare “Green për Drenas”, Xhavit Drenori, akuzoi kreun e komunës për hipokrizi.

“Të gjithë fushatën e udhëhoqi me propagandën se “njerëzit e Samisë” janë kundër meje dhe të tillët janë ‘Keqbërës’, ndërsa tash po i ‘shkelqen’ fytyra duke shtrënguar duart dhe duke i kërkuar bashkëpunim”, tha Drenori.

Tutje, asamblisti Drenori foli për “pasuritë marramendëse” të politikanëve nga Drenica.

“Nejse, për sa kohë njëren dorë e mbajnë në pushtet e pasuri marramendëse të fituar pas lufte (shumë dyshimtë) dhe dorën tjetër në sistemin (e kapur) të drejtësisë, mbeten ‘shtresa’ tjetër e shoqërisë, si puna ime që mora shkollimin dhe përvoja me meritë në perëndim dhe dëshira dhe vullneti për t’i ndihmuar proceseve demokratike, me një fjalë IDEALIN për çka edhe këta dikur luftuan”, u shpreh ai.

Megjithatë, Drenori u shpreh se nuk do të dorëzohet sepse “kungulli nuk shkon gjithë mbi ujë”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat