“Akt çnjerëzor”, Behgjet Pacolli i reagon gjyqtares serbe

Aktuale

“Akt çnjerëzor”, Behgjet Pacolli i reagon gjyqtares serbe

Nga: N. Sh. Më: 15 janar 2022 Në ora: 15:12
Danica Marinkoviç

Kryetari i AKR-së, Behgjet Pacolli ka reaguar ndaj gjyqtares serbe Danica Marinkoviç.

Marinkoviç është deklaruar përsëri për masakrën e Reçakut ku e mohoi atë, madje tergoi se kur dëshmoi në gjykatën e Hagës kishte dërguar prova që nuk ia kishin mohuar.

“Gjykata e Hagës e pranoi të vërtetën se nuk ka pasur masakër në Raçak”, tha Marinkoviç, përcjell gazeta “Bota sot”.

Për këtë Pacolli thotë se është një gënjeshtër dhe shpifje e gjyqtarës serbe.

Ai shkruan në facebook, se kjo deklaratë e saj është akt çnjerëzor ndaj viktimave dhe familjeve.

“Deklarata e "gjyqtares" Danica Marinkoviç, "Kosovo Online" me rastin e përvjetorit të Reçakut, përveç që është gënjeshtër dhe shpifje, është edhe akt çnjerëzor ndaj viktimave dhe familjeve të Raçakut. 

Këtë e dinë të gjithë dhe bota e qytetëruar e kupton çdo ditë, me kë kemi të bëjmë!”, shkruan Pacolli, përcjell gazeta “Bota sot”.

Gjyqtarja serbe ka deklaraur se se prej 23 vitesh e përsërit atë që ka parë dhe atë që ka mbledhur si provë.

"E vërteta është në anën tonë. Atë që unë e vërtetova dhe vërtetova, askush nuk e mohoi, sidomos as ekspertët nga Prishtina. Ata e dinë të vërtetën, por u shkon për shtat të manipulojnë, nga mashtrimet dhe gënjeshtrat e thënë nga William Walker në atë kohë. Askush nuk ka qenë përgjegjës për këtë deri më sot”, ka thënë Marinkoviç.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat