Analisti Xhevdet Pozhari ka thënë se ka pranuar rreth 500 mesazhe kërcënuese pas deklaratës së tij ndaj nënkryetarit të Organizatës së Veteranëve të Ushtrisë Çlirimtare të Kosovës, i cili po gjykohet në Gjykatën Speciale.
“Nasim Haradinaj në Hagë paska qajt, e këtu i thejke tavolinat nëpër emisione.
Mbahu, burrë! Kalon edhe kjo...”, ka shkruar Pozhari javën e kaluar.
Ky postim i tij nxiti reagime të shumta.
Ai kërcënuesit i quajti hajna që ua kanë zënë bishtin me derë.
“Pihhh, përmbi nja 500 mesazhe me kërcënime e ofendime i kam marr deri tash.
A po kujtoni që e rruj fort për ju, a - hajna që ua kanë zënë bishtin me derë dhe UÇK-në e përdorni për ta mbuluar tenderomaninë dhe privatizimet?
Ju kishe po e "mbroni" Nasimin prej meje veç që i thash, mbaju e mos ja jep kënaqësinë Serbisë me të pa me lot. Ju që e keni çu vetë me duar të juaja atë dhe të tjerët aty ku është sot.
Hajna. Rrjepcana”, shkroi Pozhari në postimin e tij.
