Xharra: Erdogani është armik i perëndimit, mik i Rusisë e vëlla i shqiptarëve

Aktuale

Xharra: Erdogani është armik i perëndimit, mik i Rusisë e vëlla i shqiptarëve

Nga: H.O. Më: 18 janar 2022 Në ora: 10:57
Arbana Xharra/ Erdogan

Gazetarja Arbana Xharra ka reaguar në Facebook pas vizitës së djeshme të Presidentit turk Erdogan në Shqipëri.

Xharra shkruan se sot Erdogani është armik i perëndimit, mik i Rusisë e vëlla i shqiptarëve.

“Sepse Erdoganin sot nuk e pret as Franca, as Gjermania e as një vend perëndimor. Ai pritet me nderime të larta nga Shqipëria, Serbia e Rusia”, shkruan ajo.

Postimi i plotë:

Erdogani nuk u thirr në Samitin e Demokracisë që u organizua nga Presidenti Biden në dhjetor, SHBA nuk e ka pranuar as kërkesën e vazhdueshme të Erdoganit për blerjen e aeroplanëve ushtarak F-16, për shkak se Turqia në kundërshtim me NATO-n ka marrë anti-raketorin S-400 nga Rusia. Sot Erdogani është armik i perëndimit, mik i Rusisë e vëlla i shqiptarëve. Shqipëria ka dështuar të shnderohet në vend Evropian, është shteti më i varfër i Evropës. Erdogani i cili vendin e vet aktualisht e ka në krizë të madhe ekonomike, sjell miliona në Shqipëri për të shtrirë ndikim. Sepse Erdoganin sot nuk e pret as Franca, as Gjermania e as një vend perëndimor. Ai pritet me nderime të larta nga Shqipëria, Serbia e Rusia.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat