“A e din Gjergj kur t’u skuqen faqet nga shpullat e grushtat”/ Detajet i zbulon Naim Miftari

Aktuale

“A e din Gjergj kur t’u skuqen faqet nga shpullat e grushtat”/ Detajet i zbulon Naim Miftari

Nga: N. Sh. Më: 18 janar 2022 Në ora: 16:54
Gjergj Dedaj dhe Hashim Thaçi

Ish-eprori i lartë i UÇK-së dhe ish-agjenti i SHIK-ut, Naim Miftari ka treguar detaje të reja për Gjergj Dedajn i cili e kërcënoi me Kanun presidenten e Kosovës, Vjosa Osmani.

Ish-amabasadori i Kosovës në Maqedoni të Veriut, Gjergj Dedaj, është denoncuar në Polici pas deklaratës që ka dhënë për presidenten Osmani.

Këshilltari i Osmanit, Bekim Kupina, ka konfirmuar se Dedaj është denoncuar për kërcënim publik kundër jetës dhe sigurisë ndaj Presidentes Osmani dhe familjes së saj.

Gjergj Dedaj ka thënë se ndihet i rrezikuar nga siç e ka quajtur ai “Klani i Osmani” ku ka përmendur presidenten Vjosa Osmani dhe bashkëshortin e saj, Prindonin.

Dedaj tha se është njeri i ligjit, por tutje theksoi se përveç ligjit, te ai dhe familja e tij që vjen nga Malësia e Gjakovës, vepron edhe Kanuni i Lekë Dukagjinit.

“Unë jam i ligjit, mirëpo na jemi shqiptarë. Nuk mundesh dikë që ja ki inati me e vra. Unë jam i rrezikum, nga Klani i Osmanit, i Vjosës dhe bashkëshorti i saj, nga njerëzit e saj dhe i listës Guxo. Nuk di që duhet me pasë kërcënim tjetër kur ta rrezikon jetën, të len të paftyrë, të hejk prej listës së pagave”, tha Dedaj.

E për këtë Policia e Kosovës tashmë është në dijeni dhe  pritet që ta arreston atë.

Megjithatë, Naim Miftari duke komentuar kërcënimin e Dedajt në drejtim të Vjosa Osmanit, pohon se, me pas qenë i Kanunit e kish nxjerr hakun për vitin 1998 kur është rrahur nga Hashim Thaçi.

“Eh more Gjergj Skenderbeu me pas kanë ti i Kanunit kishe nxjerr hak për 1998 a din atëherë Gjergj, gjatë luftës kur ishit ardh me lejen e pushtetit serb me na tregu se Serbia do të na bon rrafsh me tokë nëse nuk i dorëzojmë armët e nuk i kthehemi bisedave paqësore!

A ke harru kur kërkove Picë dhe Makiato në Qirez dhe në shkollën e Baices edhe pse kishte gati një vit që ne nuk kishum fare rrymë, edhe atëherë i ke pas faqet e fryta si sot, a din kur tu skuqen faqet si speci nga shpullat e grushtat ....a të kujtohet kur erdh ai shoku e miku i juaj ‘Gjarpni’ e rroki një stupc gardhi.... atë kujtohet po but blujshe e folshe pos me qenë ju  Nëna Terezë.!

Eh trim mbi trima nëse ka met Kanuni në juve  atëherë kam pëshu.... në ta, nga atëherë ju njoh Gjerg,j e din Gjergj po i ligë e far servili je!”, shkruan Naim Miftari në facebook, përcjell gazeta “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat