Përmbytjet shkatërrojnë kampin e shqiptarëve në Francë

Aktuale

Përmbytjet shkatërrojnë kampin e shqiptarëve në Francë

Më: 19 janar 2022 Në ora: 21:25
Pamje nga videoja

Përmbytja e Garonne shkatërroi një kamp të improvizuar prej rreth pesëmbëdhjetë shqiptarësh në Toulouse në brigjet e lumit në rrethin Empalot.

Viaoccitanie.it shkruan se uji përmbyti dhe shkatërroi një pjesë të shtëpive të tyre.

Njerëzit u kthyen për të jetuar një javë pas shirave të rrëmbyeshëm por për ta kushtet e jetesës janë çnjerëzore.

Shoqata humanitare Utopia 56 është e pranishme në krah të shqiptarëve për t’i ndihmuar, por mbetet e shqetësuar nëse ata qëndrojnë në këto kushte

Shërbimet shtetërore po monitorojnë nga afër situatën. Prefektura kujtoi megjithatë se kur këta persona u larguan nga kampi të dielën, më 9 janar, nuk bënë asnjë kërkesë për strehim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat