Haradinaj, thirrje Elezit: Hajde e denoncoje Albinin, se e qiti në dy gujt këtë vend

Aktuale

Haradinaj, thirrje Elezit: Hajde e denoncoje Albinin, se e qiti në dy gujt këtë vend

Më: 19 janar 2022 Në ora: 23:58
Elez Blakaj, Ramush Haradinaj

Lideri i AAK-së, Ramush Haradinaj i ka bërë thirrje ish-prokurorit Elez Blakaj që ta denoncojë kryeministrin Albin Kurti, pasi sipas tij, i ka shkaktuar shumë humbje Kosovës.

Haradinaj tha se në lëvizjet e fundit të Kurtit sa i përket energjisë elektrike dikush po pasurohet, e për këtë thotë se duhet të ndërhyjë prokuroria.

“Unë mendoj që këtu ka vend prokuroria mu interesu. I njëjti njeri, Albin Kurti cdo herë e ka pengu Kosovën me investu në energji. Ka qenë kundër investimeve. I pari kryeministër që dha kaq shumë pare për rrymën në veri, me dhjetëra milionë I ka çu në veri. Pastaj, e ka pagu diferencën e cmimit, prapë me pare të buxhetit. Unë po e thirri Elez Blakaj, hajde denoncoje Albin Kurtin sot që ia shkaktoi kësaj Kosove mbi 100 milionë euro humbje, e qiti në dy gujt këtë vend.

Këtu dikush po pasurohet fort, le të merret prokuroria”, tha Haradinaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat