Reagon edhe Vjosa Osmani: Hap pas hapi, drejt çrrënjosjes së korrupsionit

Aktuale

Reagon edhe Vjosa Osmani: Hap pas hapi, drejt çrrënjosjes së korrupsionit

Nga: P.R Më: 25 janar 2022 Në ora: 20:31
Foto e postuar nga Vjosa Osmani

Gjatë ditës së sotme, Organizata Transparency International publikoi raportin për Indeksin e Perceptimit të Korrupsionit në botë.

E në këtë raport, Kosova ka shënuar përmirësim, me 39 pikë, tre pikë më lart sesa një vit më parë, pra ajo është rritur me 17 vende në mesin e 180 vendeve, ku nga pozita 104 është ngritur në pozitën e 87, në Indeksin e Perceptimit të Korrupsionit.

Këtë sukses të Kosovës, e ka përshëndetur edhe presidentja, Vjosa Osmani.

“Para një viti premtuam që luftimi i korrupsionit do të ishte një prej prioriteteve kryesore të institucioneve të reja. Sot, ky premtim po sheh rezultatet e para jashtëzakonisht premtuese. Gjatë vitit që lamë pas, Republika e Kosovës shënoi rritje prej 17 pozitave në publikimin e Indeksit të Perceptimit të Korrupsionit për vitin 2021 të Transparency International - ngritja më e lartë vjetore për Kosovën në historinë e publikimit të Indeksit. Hap pas hapi, drejt çrrënjosjes së korrupsionit”, ka shkruar presidentja e Republikës së Kosovës, Vjosa Osmani, përcjellë “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat