Frashër Krasniqi paralajmëron trazira sociale, nëse ndodhë kjo gjë

Aktuale

Frashër Krasniqi paralajmëron trazira sociale, nëse ndodhë kjo gjë

Më: 28 janar 2022 Në ora: 20:21
Frashër Krasniqi

Frashër Krasniqi i PSD’së thotë se nëse do të vazhdojë rritja e çmimeve në vendin tonë do të ketë trazira sociale. Edhe një herë ka kritikuar qeverinë e udhëhequr nga Albin Kurti.

“Albin Kurti i ka ndryshuar qëndrimet dhe kjo është arsyeja që na nuk jemi me ta. Nëse para më shumë se pesë vjetëve kam qenë i arrestuar dhe i burgosur kundër privatizimit të KEDS’it sot vazhdoj me protestuar kundër dhënies së milionave për atë kompani private”, thotë Krasniqi.

“Nuk ka asnjë vendim qeveria e Republikës së Kosovës, ta zëmë, për me rrit pagën minimale. A nuk është urgjente me rrit pagën minimale”, pyet Krasniqi.

Ai i konsideron ‘hajgare” disa vendime të Albin Kurtit.

“’Me ju dhanë ka 10 euro pensionistëve. Me bo hajgare. Prej 90 euro me ju bo 100 euro e këndej rrymën me ua trefishuar. Kjo është hajgare. Pse s’po e trefishon pagën minimale se në fund të fundit e ka pasur premtim elektoral se do ta bëjë pagën minimale 350 euro. Është urgjente paga minimale. Është dashtë në dy muaj të qeverisjes me ndryshuar pagën minimale”, theksoi Krasniqi për RTVDukagjini.

“Nesër në orën 14:00 do t’ia dërgojmë një propozim masiv ZRRE’së dhe qeverisë së Kosovës e propozimi masiv do të jetë se nëse ju gjeni zgjidhje, nuk është puna e jona kjo se ju jeni në qeveri, i keni 51 për qind, veç nëse i rritni  çmimet në këtë vend ka me pas trazira  sociale. Ka ma pas protesta të mëdha dhe masive. Nuk është e drejtë me u rrit çmimi i rrymës kaq shumë”, shtoi ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat