Natyra Kuçi thotë se Molliqaj e shtyu policin e nuk e goditi

Aktuale

Natyra Kuçi thotë se Molliqaj e shtyu policin e nuk e goditi

Më: 1 shkurt 2022 Në ora: 21:02
Pamje nga videoja

Zëdhënësja e PSD-së, Natyra Kuçi, ka postuar në video në Facebook ku sipas saj vërtetohet se kryetari i PSD-së, Dardan Molliqaj, nuk ka goditur me shuplakë policin gjatë protestës kundër shtrenjtimit të rrymës të shtunën.

Molliqaj u arrestua para futjes në TV për protestën e mbajtur të shtunën. Por Kuci thotë se ai nuk e ka goditur policin.

“Fillimisht, në xhirimin më poshtë shihet qartë që nuk kemi të bëjmë me goditje por shtyrje. Ky është fakt. Së dyti, Dardani ka vazhduar aktivitetet e tij pa u ndalur për dy ditë rradhazi, si në zyre të PSD-së, si në kafene në takime me qytetarë”, ka shkruar ajo në Facebook.

Tutje ajo thotë se arrestimi i Molliqajt është politik.

“Së treti, dhe më e rëndësishmja, arrestimi i tij sot, pak para paraqitjes në Pressing, nuk është asgjë tjetër pos arrestim politik për ta heshtur Dardanin”, përfundoi ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat