Bundesrati gjerman sot miratoi vendimin për njohjen e patentë shoferëve të Kosovës në Gjermani.
Me 69 vota pro, Bundesrati vendosi të njohë patentë shoferët e Kosovës.
Për këtë lajm të mirë, ka reaguar edhe ambasadori gjerman në Kosovë, Jorn Rohde, i cili u shpreh i lumtur nëpërmjet një postimi në Twitter.
“I lumtur të ndaj një lajm të mirë pas votimit të sotëm në Bundesratin gjerman: patentë shoferët nga Kosova dhe Shqipëria tashmë njihen në Gjermani! Një tjetër moment historik”, shkroi ai.