Bislimi për largimin e personelit shëndetësor në Gjermani: Edhe mjekët e tyre ikin jashtë

Aktuale

Bislimi për largimin e personelit shëndetësor në Gjermani: Edhe mjekët e tyre ikin jashtë

Më: 1 prill 2022 Në ora: 12:33
Besnik Bislimi

Zëvendëskryeministri Besnik Bislimi gjatë raportimit në Komisionin për Integrim Europiane foli edhe për çështjen e largimi të mjekëve nga Kosova, duke thënë se nuk është faji për këtë vetëm te rrogat.

Ai tha se një gjë e tillë ndodh edhe në Gjermani, derisa shtoi se mobiliteti është vlerë e Bashkimit Europian.

“Kanë ikur mjekët gjithmonë në Kosovë dhe do të ikin gjithmonë, por a e dini pse shkojnë mjekët në Gjermani, jo pse është rritur popullsia e Gjermanisë, po se mjekët gjermanë ikin prej Gjermanisë. Do të thotë edhe prej Gjermanisë ikin mjekët dhe shtrohet nevoja që me ardhë mjekë nga Ukrainës, Kosovës, Italisë. Mobiliteti është vlerë e BE-së. Politikat kryesore të OECD -së dhe Bashkimit Europian janë për të rritur moblitetin e fuqisë punëtore. Projektligji i ri s’do ta bëjë pagën e mjekëve 6000 euro që me thënë tash se s’ke nevojë të shkosh”.

Në pyetjen e deputetes së AAK-së, Time Kadrijaj, se a do t’u rritet paga mjekëve dhe t’u bëhet më “e dinjitetshme”, Bislimi u përgjigj, duke thënë se “nëse ideja e projektligjit është që të bëjmë paga të dinjitetshme, a po konkludojmë se ato janë të padinjitetshme?”.

Bislimi tha se nuk caktohet paga në bazë të dëshirës, por sipas mundësisë.

comment Për komente lëvizni më poshtë
Sot mund të lexoni Shfletoni kopertinat