Seanca e radhës më 28 prill, Kusari-Lila jep formulën për krijimin e Komisionit Hetimor

Aktuale

Seanca e radhës më 28 prill, Kusari-Lila jep formulën për krijimin e Komisionit Hetimor

Më: 21 prill 2022 Në ora: 06:37 Përditësuar në ora: 13:39 më 21.04.2022
Mimoza Kusari-Lila

​Tahiri: Nesër do të procedoj kallëzim penal në Prokurorinë Speciale për secilin anëtar të ZRRE-së

Shefi i Grupit Parlamentar të PDK-së, Abelard Tahiri pas mbledhjes së Kryesisë së Kuvendit, tha se ishte një debat i gjatë me argumente dhe kundër-argumente mbi arsyet e themelimit të komisionit hetimor për blerjen e energjisë elektrike dhe punësimet në KEK.

Ai tha se për herë të parë pozita po e pengon krijimin e një komisioni hetimor. Ndërsa theksoi se qëndron prapa vendimin për të mos pjesë në votim.

Sa i përket mos respektimit të vendimit të gjykatës për tarifat e energjisë elektrike, Tahiri tha se qysh nesër do të procedojë kallëzim penal në Prokurorinë Speciale për secilin anëtarë të ZRRE-së.

Më 17 janar, Zyra e Rregullatorit për Energji kishte dalë me propozim për rritje të faturave, pasi çmimet e energjisë ishin rritur edhe në tregjet evropiane, duke ndikuar kështu në çmimet e importeve të Kosovës.

Pas analizimit të komenteve, Zyra e Rregullatorit për Energji, më 8 shkurt, miratoi vendosjen e bllokut tarifor në 800 kilovat për konsumatorët e energjisë elektrike në Kosovë.

ZRRE ndryshoi vendimin pasi me rekomandimin paraprak, ata kërkonin që çmimi i energjisë elektrike të rritet për konsumatorët që shpenzojnë mbi 600 kilovat. Për subvencionimin e këtyre tarifave, Qeveria ndau rreth 90 milionë euro. Por, që ky subvencionim është paraparë vetëm deri në fund të këtij viti, ani pse tarifat do të aplikohen deri më 31 mars 2023.

PDK vendosi t’i drejtohej gjykatës, e cila vendosi masë të përkohshme ndaj vendimit të Zyrës së Rregullatorit për Energji, për shtrenjtimin e energjisë elektrike. Por, faturat e rrymës po kalkulohen me të shtrenjtën, e cila nga ZRRE arsyetohet me interpretimin se aktvendimi i shkallës së parë nuk bëhet i ekzekutueshëm.

Tahiri: AAK-ja vazhdon bojkotin deri në themelimin e Komisionit Hetimor, VV-ja të tregojë çka janë duke fshehur

Shefi i deputetëve të AAK-së, Besnik Tahiri, ka thënë se në mbledhjen e Kryesisë partie opozitare kanë kërkuar që të votohet Komisioni Hetimor për çështjet e energjisë elektrike.

Ai ka thënë se qëndrimi i AAK-së është se pa u votuar ky Komision, nuk do të marrin pjesë në asnjë votim.

“Sapo përfundoi mbledhja e kryesisë. Siç pritej diskutimi kryesor ishte rreth krijimit të komisionit hetimor. Qëndrimi i AAK është kërkesa për komision hetimor për çështje të energjisë. Është e habitshme dhe e pakuptimtë dhe zgjon kureshtje se cila është arsyeja që VV-ja e kundërshton themelimin. Çka janë duke fshehur”, tha Tahiri.

Seanca e radhës më 28 prill, Kusari-Lila jep formulën për krijimin e Komisionit Hetimor

Shefja e grupit të deputetëve të VV-së, Mimoza Kusari-Lila, tha se seanca e radhës është paralajmëruar të mbahet më 28 prill.

“Seanca e radhës është më 28 prill. Shtesë është votimi i kërkesës për themelimin e Komisionit Hetimor, zgjedhjen e një anëtari të bordit RTK dhe debati për punën e qeverisë. Këto janë pikat që caktuam për seancë të rregullt. Ekzistojnë dy forma që mund të procedohet tutje e para mund të tërhiqen nënshkrimet apo edhe të tërhiqet ajo kërkesë dhe të procedohet njëri grup parlamentar ri opozitës”, tha ajo.

“Tashmë është e tejkaluar mandati i UNMIK-ut dheKoosva është vend i pavarur. Megjithatë në përmbajtje nuk e ka asnjë kuptim funksionimi i UNMIK-ut”, tha ajo.

Fillon mbledhja e kryesisë së Kuvendit, në rend dite është themelimi i komisionit hetimor

Ka nisur mbledhja e kryesisë së Kuvendit të Kosovë. Pika të rendit të ditës janë edhe mocioni i kryetarit të GP të PDK-së, Abelard Tahiri, në emër të 40 deputetëve, për themelimin e Komisionit Hetimor, vazhdimi i debatit parlamentar për politikë të jashtme dhe situatën e sigurisë në vend.

Po ashtu pikë e rendit të ditës janë edhe votimi në parim i Projektligjit për ndryshimin dhe plotësimin e ligjit për vetëqeverisjen lokale, shqyrtimi i parë i Projektligjit për ndryshimin dhe plotësimin e ligjit për festat zyrtare në Republikën e Kosovës si dhe zgjedhja e një (1) anëtari të Bordit të Radiotelevizionit të Kosovës.

Po ashtu në këtë mbledhje do të jenë pika të rendit të ditës përgatitjet për seancë plenare të re të radhës, ku disa nga pikat e rendit të ditës janë: Shqyrtimi i dytë i Projektligjit për mbrojtjen e sekreteve tregtare, zgjedhja e një (1) anëtari të Bordit të Radiotelevizionit të Kosovës, nga radhët e komuniteteve tjera jo shumicë, zgjedhja e tre (3) anëtarëve të Këshillit Gjyqësor të Kosovës, Formimi i Organit Përzgjedhës të Pavarur për përzgjedhjen e anëtarëve në Organin Shqyrtues të Prokurimit dhe debat parlamentar për punën e Qeverisë së Republikës së Kosovës në vitin e parë të mandatit të saj.

Sot mblidhet Kryesia e Kuvendit

Kryesia e Kuvendit do të mblidhet sot për të biseduar për pikat në seancat e ardhshme.

Në njoftim thuhet se takimi do të fillojë nga ora 11:00.

I. Miratimi i procesverbalit të mbledhjes së mëparshme të Kryesisë së Kuvendit,

II. Pika e papërfunduar nga Seanca plenare, e mbajtur më 22, 23, 24 shkurt, 16 mars dhe 14 prill 2022:
14. Votimi në parim i Projektligjit nr.08/L-104 për ndryshimin dhe plotësimin e ligjit nr.03/L-040 për vetëqeverisjen lokale,

III. Pika e papërfunduara nga Seanca plenare, e mbajtur më 24, 25 shkurt, 16 mars dhe 14 prill 2022:
11. Shqyrtimi i parë i Projektligjit nr. 08/L-023 për ndryshimin dhe plotësimin e Ligjit nr. 03/L-064 për Festat Zyrtare në Republikën e Kosovës.

IV. Pika e papërfunduar nga Seanca plenare, e mbajtur më 7 dhe 14 prill 2022:
8. Zgjedhja e një (1) anëtari të Bordit të Radiotelevizionit të Kosovës, nga radha e komunitetit serb,

V. Pika e papërfunduar nga Seanca plenare, e mbajtur më 12 prill 2022:
1. Vazhdimi i debatit parlamentar për politikën e jashtme.

VI. Pikat e papërfunduara nga Seanca plenare, e mbajtur më 14 dhe 19 prill 2022:
1. Mocioni i kryetarit të GP të PDK-së, Abelard Tahiri, në emër të 40 deputetëve, për themelimin e Komisionit Hetimor Parlamentar lidhur me menaxhimin e krizës energjetike nga Qeveria e Republikës së Kosovës,
3. Shqyrtimi i Projektligjit nr.08/L-130 për ratifikimin e Marrëveshjes ndërmjet Qeverisë së Republikës së Kosovës dhe Këshillit të Ministrave të Republikës së Shqipërisë për ndihmë të ndërsjellë juridike në çështjet civile dhe tregtare,
4. Shqyrtimi i Projektligjit nr.08/L-139 për ratifikimin e Marrëveshjes së kredisë ndërmjet Republikës së Kosovës dhe Bankës Evropiane për Investime për projektin e zhvillimit të impiantit të ujërave të zeza në Mitrovicë,
5. Shqyrtimi i Projektligjit nr.08/L-140 për ratifikimin e Marrëveshjes së kredisë në mes të Republikës së Kosovës dhe Bankës Evropiane për Rindërtim dhe Zhvillim për projektin e trajtimit të ujërave të zeza në Mitrovicë,
6. Shqyrtimi i Projektligjit nr.08/L-141 për ratifikimin e Marrëveshjes së financimit në mes të Republikës së Kosovës përfaqësuar nga Ministria e Financave, Punës dhe Transfereve, dhe Asociacionit Ndërkombëtar për Zhvillim për “Projektin e reformës së sistemit të ndihmës sociale në Kosovë”,
7. Debat parlamentar në lidhje me situatën e sigurisë në vend.

VII. Përgatitjet për Seancë plenare të re të radhës:
1. Deklarimet jashtë rendit të ditës,
2. Pyetjet parlamentare,
3. Miratimi i procesverbaleve nga seancat e mëparshme,
4. Shqyrtimi i dytë i Projektligjit nr. 08/L-076 për mbrojtjen e sekreteve tregtare,
5. Zgjedhja e një (1) anëtari të Bordit të Radiotelevizionit të Kosovës, nga radhët e komuniteteve tjera joshumicë,
6. Zgjedhja e tre (3) anëtarëve të Këshillit Gjyqësor të Kosovës,
7. Formimi i Organit Përzgjedhës të Pavarur për përzgjedhjen e anëtarëve në Organin Shqyrtues të Prokurimit,
8. Debat parlamentar për punën e Qeverisë së Republikës së Kosovës në vitin e parë të mandatit të saj.

VIII. Shqyrtimi i propozimeve dhe i kërkesave.

comment Për komente lëvizni më poshtë
Sot mund të lexoni Shfletoni kopertinat