Haziri: Nëse nuk ka progres në dialog, Kurti e Vuçiq nuk mund të hyjnë në Shtëpinë e Bardhë

Aktuale

Haziri: Nëse nuk ka progres në dialog, Kurti e Vuçiq nuk mund të hyjnë në Shtëpinë e Bardhë

Më: 5 maj 2022 Në ora: 00:00
Lutfi Haziri

Lutfi Haziri, nënkryetar i Lidhjes Demokratike të Kosovës, ka thënë se Kurti nuk është i gatshëm të nënshkruajë ndonjë marrëveshje sa i përket çështjes së dialogut Kosovë-Serbi.

“Nuk mendoj që Kurti është i gatshëm të nënshkruajë ndonjë marrëveshje me njohje reciproke me Serbinë”, tha Haziri.

Sipas tij, nëse Kosova dhe Serbia nuk do kenë progres në dialog, e kanë të pamundur të hyjnë përsëri në Shtëpinë e Bardhë.

“Në Washington nuk mund të hyjnë pa pasur progres në bisedime, në Shtëpinë e Bardhë është shumë e qartë tash e 10 vite, asnjë kryeministër i regjionit tonë, në këtë rast i Kosovës dhe i Serbisë nuk mund të hyjnë në Shtëpi e Bardhë pa pasur progres”, tha Haziri tutje.

Teksa shtoi se çështjen e dialogut, nuk kanë mundur ta përballojnë edhe tri qeveritë që kanë qenë më herët prandaj e kanë mbyllur mandatin.

“Tri qeveritë nuk kanë mundur ta përballojnë çështjen e dialogut dhe kërkesat e partnerëve prandaj nuk kanë mundur ta mbyllin mandatin”, tha ai.

Ndërsa, sa i përket qeverisë Kurti, Haziri shtoi se e vetmja gjë që kanë bërë në 1 vit qeverisje, është fakti që i kanë sjellur burgjet e Danimarkës në burgje të Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat