Dosja e vrasjes së Komandant Drinit në Speciale/ Haziri: Si udhëheqës i një grupi vrasësish dyshohet një ish-komandant i UÇK-së dhe ish-deputet i Kuvendit

Aktuale

Dosja e vrasjes së Komandant Drinit në Speciale/ Haziri: Si udhëheqës i një grupi vrasësish dyshohet një ish-komandant i UÇK-së dhe ish-deputet i Kuvendit

Nga: M.L. Më: 8 maj 2022 Në ora: 20:37
Ekrem Rexha-Komandant Drini

Analisti Nexhat Haziri përkujtoi sot Ekrem Rexhën-Komandant Drinin në 22 vjetorin e vrasjes.

Në një postim në Facebook, Haziri ka shkruar se “dosja e kësaj vrasje është lëndë në Gjykatën Speciale, ku si udhëheqës i një grupi vrasësish dyshohet një ish-komandant i UÇK-së, njëheri ish-deputet i Kuvendit te Kosovës”

22 vite nga vrasja e Ekrem Rexhes-Komandant Drinit.

Dosja e kësaj vrasje është lëndë në Gjykatën Speciale, ku si udhëheqës i një grupi vrasësish dyshohet një ish-komandant i UÇK-së, njëheri ish-deputet i Kuvendit te Kosovës. Sipas kësaj dosje ky grup ka vepruar nën urdhërat e këtij Komandanti dhe për cak të vrasjeve kishte personalitete politike dhe ushtarake që konsideroheshin si kundërshtarë politik dhe të papërshtatshëm për planet e ish-komandantëve të UÇK-së për vendosjen e pushtetit të “kallashit””, ka shkruar Haziri.

Andaj, sipas tij, Gjykata Speciale është shpresa e fundit për të sjell drejtësinë e munguar në shoqërinë tonë, sidomos për vrasjet politike gjatë dhe pas periudhës së luftës.

Përkrahja për Gjykatën Speciale, përkushtimi i ynë për rend dhe ligj, është tregues për pjekurinë tonë si shoqëri demokratike, humane me ambicie normale për integrime euro-atlantike. (n.h)”, ka përfunduar Haziri.

Kujtojmë se më 8 maj 2000 ish-komandanti i UÇK-së, Ekrem Rexha-‘Drini’, u vra para shtëpisë së tij në Prizren. Kjo vrasje pati ndodhur në rrethana misterioze. Drejtësia vendore dhe ndërkombëtare, edhe pas angazhimit, ka dështuar për gjetjen e vrasësve të tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat