Banorët e Klinës kërkojnë nga Qeveria ndalimin e ndërtimit të fabrikës së çimentos, në protestë edhe Fitore Pacolli

Aktuale

Banorët e Klinës kërkojnë nga Qeveria ndalimin e ndërtimit të fabrikës së çimentos, në protestë edhe Fitore Pacolli

Më: 14 maj 2022 Në ora: 15:10
Pamje nga protesta

Qindra qytetarë të Klinës të mbledhur në rrugën kryesore në Dollc (magjistralen Pejë – Prishtinë) protestuan sot kundër ndërtimit të Fabrikës së çimentos.

Banoret e tubuar thonë se ndërtimi i kësaj fabrike dëmton ajrin dhe ambientin përreth, kështu që pamundeson jetën e shëndetshme, prandaj protestat nuk do të ndalen deri në vendimin në favor të tyre nga Qeveria e Kosovës.

Në protestë kanë marrë pjesë edhe deputetë të Kuvendit të Kosovës.

Deputetja Fitore Pacolli u tha protestuesve se janë duke punuar bashkë me Ministrine e Mjedisit dhe atë të Bujqësisë për të gjetur një zgjidhje. Sipas saj, më së largu deri të hënën Qeveria do të dalë me një vendim.

E ndërkaq deputeti Hisen Berisha tha se si përfaqësues të pupullit gjithmonë do të jemi në shërbim të qytetarëve të vendit.

Ku vend, shtoi Berisha, është rezultat i një sakrifice të madhe, prandaj edhe duhet të ndërtohet me pastërti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat