Lladrovci: Ata që nuk i janë përgjigjur me kohë zërit të atdheut, nuk mund ta ndryshojnë këtë histori

Aktuale

Lladrovci: Ata që nuk i janë përgjigjur me kohë zërit të atdheut, nuk mund ta ndryshojnë këtë histori

Më: 15 maj 2022 Në ora: 19:56
Foto nga takimi

Kryetari e Drenasit, Ramiz Lladrovci ka takuar sot gjeneralin Agim Çeku, njohur edhe si ish-ministri Çeku.

Me këtë rast, Lladrovci pati fjalë të mëdha vlerësuese për Agim Çekun, ku ndër të tjerash tha se ai është pjesë e rëndësishme e historisë dhe lavdisë së Ushtrisë Çlirimtare të Kosovës, sepse i është përgjigjur kur e ka thirrur Atdheu.

“Ata që nuk i janë përgjigjur me kohë zërit të atdheut, nuk mund të ndryshojnë këtë histori. Historia nuk mund të kthehet prapa për ata që janë vonuar”.

Postimi i plotë:

Bashkë me Fatmir Xhelilin patëm një takim të këndshëm me gjeneral Agim Çekun mikun e Fehmiut,mikun tim dhe të familjes, njeriun me virtyte të larta dhe me kontribute të jashtëzakonshme për lirinë dhe pavarësinë e Kosovës. Gjeneral Çeku është hero i dy luftërave çlirimtare të Kosovës dhe Kroacisë dhe kushdo qe mundohet të mohojë këtë kontribut e korit veq veten e tij.

Gjeneral Agim Çeku e ka mbështetur organizimin dhe luftën e UÇK-së që në ditë e para dhe është bërë Komandant i saj në periudhën me vendimtare të luftës. Ai është pjesë e rëndësishme e historisë dhe lavdisë se UÇK -se sepse i është përgjigjiur kur e ka thirrë Atdheu. Ata qe nuk i janë përgjigjur me kohë zërit të Atdheut nuk mund ta ndryshojnë këtë histori ! Historia nuk mund tē kthehet prapa për ata që janë vonuar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat