Deputeti gjerman kërkon diskutim të menjëhershëm për anëtarësim të Kosovës në KE

Aktuale

Deputeti gjerman kërkon diskutim të menjëhershëm për anëtarësim të Kosovës në KE

Më: 16 maj 2022 Në ora: 17:01
Knut Abraham

Anëtarësimi i Kosovës në Këshillin e Evropës mund të ndodhë më shpejt sesa që mund të pritet, nëse merren për bazë kërkesat e ligjvënësve evropianë, në këtë rast atyre gjermanë.

Është deputeti gjerman, Knut Abraham nga CDU,  i cili kërkon që aplikimi i Kosovës të jetë së më shpejtë në agjendën e Komitetit të Ministrave.

Ai i bërë  thirrje këtij Komiteti që përbëhet nga shtetet  anëtare të Këshillit të Evropës,  që shqyrtimi i aplikimit të Kosovës të jetë në rend dite në agjendën e takimit që do të mbahet në fund të kësaj jave, përkatësisht me 20 maj.

Abraham tha të hënën se është momenti që në mbledhjen e së premtes në Torino të Italisë, të diskutohet kjo çështje.

“Koha për të vepruar”, shkroi ai në Twitter.

“I bëj thirrje qeverisë italiane që tani ta vendosë në rend dite kërkesën e Kosovës, në mënyrë që të diskutohet në Komitetin e Ministrave të Këshillit të Evropës në Torino të premten”, shkroi Abraham.

“Momenti i duhur duhet të përdoret tani”.

Aplikimin e Kosoëvs për anëtarësim në Ke e kanë mbështetur dhe përkrahure dhe ambasadorët e  Gjermanisë e Francës në Kosovë.

Të enjten, kryediplomatja kosovare, Donika Gërvalla, ka dorëzuar aplikimin e Kosovës për anëtarësim në Këshill të Evropës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat