Çitaku: Ish-krerët e UÇK-së kanë pasur beteja më të rënda, sesa kjo në Hagë

Aktuale

Çitaku: Ish-krerët e UÇK-së kanë pasur beteja më të rënda, sesa kjo në Hagë

Më: 18 maj 2022 Në ora: 22:41
Vlora Çitaku

Nënkryetarja e PDK-së, Vlora Çitaku e ftuar në emisionin Prime Time, të Kanal10 ka rrëfyer për vizitën e saj bërë krerëve të UÇK-së.

Çitaku ka thënë se Thaçi dhe të tjerët janë mirë, dhe i gëzohen çdo lajmi të mirë për Kosovën, por se fokusi kryesorë është tek beteja me të cilën po ballafaqohen.

“Po i kam takuar, janë mirë më shëndet janë të përqendruar në betejën e tyre ligjore. Më ka ardh shumë mirë që i kam parë të qetë, pa mllef i presin me entiziazën çdo lajm të mirë që vie nga Kosova, i gëzohen çdo suksesi, çdo përparimi, mirëpo i kanë një betejë shumë të madhe përpara dhe fokusi është aty”, tha Çitaku.

Tutje, Çitaku ka thënë se ish krerët e UÇK-së kanë pasur betejë edhe më të rëndë gjatë luftës, sesa kjo në Hagë.

“Po kjo nuk është beteja më e rëndë në jetën e tyre. Thaçi, Veseli Krasniqi, Selimi kanë jetuar edhe në kushte më të vështira, kanë jetuar në mal, kanë kaluar kufirin Kosovë-Shqipëri dhjeta herë, dhe kur i kanë hyrë betejës për lirinë e Kosovës ata e kanë llogaritu se edhe mund të mos jenë fare”, u shpreh Çitaku në Kanal10.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat