Takimi Haradinaj – Gjukanoviq, temë edhe demarkimi i kufirit

Aktuale

Takimi Haradinaj – Gjukanoviq, temë edhe demarkimi i kufirit

Më: 19 maj 2022 Në ora: 14:58
Ramush Haradinaj dhe Milo Gjukanoviq

Në kuadër të vizitës së Presidentit malazez Milo Gjukanoviq në vendin tonë, sot u zhvillua takimi me ish kryeministrim Haradinaj, kryetar i AAK-së.

Këtë e ka bërë të ditur vet Haradinaj, përmes një postimi në rrjete sociale, ku krahas fotove, ka theksuar se “bashkë do të bëjmë realitet edhe obligimet që kemi marrë, për të përmbyllur me sukses demarkimin e kufirit, me korrigjim në sektorët e caktuar”.

Haradinaj ka theksuar se “Kosova dhe Mali i Zi kanë traditë të bashkëpunimit korrekt ndërshtetëror” duke vlerësuar se edhe takimi me Presidentin Gjukanoviq ka kaluar “në frymën e marrëdhënieve të shkëlqyera mes dy vendeve tona”.

Haradinaj ka falënderuar Presidentin për mbështetjen e tij për Kosovën “… dhe gatishmërinë e Malit të Zi për të përkrahur antarësimin e Kosovës në organizata ndërkombëtare, me theks të veçantë në NATO dhe Këshillin e Evropës”

Haradinaj ka siguruar se Kosova e Mali i Zi do të qëndrojnë bashkë “përballë çdo rreziku që ka për qëllim destabilizimin e Ballkanit”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat