425 shtetas të Kosovës kërkuan azil në shtetet e BE-së për dy muaj

Aktuale

425 shtetas të Kosovës kërkuan azil në shtetet e BE-së për dy muaj

Më: 21 maj 2022 Në ora: 12:12
Foto ilustrim

Shtetasit nga gjashtë vendet e rajonit të Ballkanit perëndimor vazhdojnë të kërkojnë azil në vendet e ndryshme të BE-së.

Edhe gjatë dy muajve të parë të këtij viti, janar e shkurt, shtetas nga këto vende kanë kërkuar azil në disa nga 27 vendet e BE-së.

Megjithatë, numri i tyre mbetet thuajse i papërfillshëm, ndonëse nga këto shtete, më së shumti azilkërkues ka nga Shqipëria e më së paku nga Mali i Zi, sipas të dhënave të siguruara nga RTK-ja Kosova ndodhet në vendin e parafundit.

Kosova

Vetëm në nëntë shtete nga 27 sa ka Bashkimi Evropian, kosovarët kërkuan azil në dy muajt e parë të këtij viti.

Gjatë muajve janar e shkurt , në të gjitha këto nëntë shtete, azil kërkuan 425 shtetas të Kosovës.

Vendi më I preferuar për kosovarët për të kërkuar azil, mbetet Franca ku në muajt janar e shkurt 2022, bazuar në të dhënat e Eurostatit, azil kërkuan 195 persona, 90 në janar e 105 në shkurt.

Bazuar në statistikat e siguruara nga RTKLive nga Eurostat, Agjencia e Statistikave të BE-së, Italia është vendi i dytë më I preferuar për azil nga kosovarët.

40 në janar e 45 në shkurt është numri I kosovarëve që kërkuan azil në shtetin përtej Adriatikut.

Më pas, radhitet Gjermania me 40 azilkërkues në janar e 35 në shkurt, pastaj Belgjika ku në dy muajt e parë të këtij viti, azil nga Kosova kërkuan 25 persona.

Pastaj, Suedia me 15, Holanda me 10, Austria me 10, Sllovenia 5, Luksemburgu 5 azilkërkues nga Kosova në muajt janar e shkurt 2022.

Image
Grafika
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat