Ministria e Mbrojtjes së shpejti me konkurs për 75 pozita specialistike në FSK

Aktuale

Ministria e Mbrojtjes së shpejti me konkurs për 75 pozita specialistike në FSK

Më: 22 maj 2022 Në ora: 09:17
FSK

Ministri i Mbrojtjes, Amrend Mehaj ka njoftuar se së shpejti Ministria e Mbrojtjes do të hap konkurs për personel civil.

Mehaj ka thënë se konkursi do të jetë i hapur për 75 pozita specialistike në Forcën e Sigurisë së Kosovës.

“Konkurset do të hapen përgjatë periudhave të ndryshme kohore, në grupe, sipas fushave specifike të kërkuara. Ushtria po rritet, e bashkë me të po ngritën dhe kapacitetet e resurseve humane”, ka shkruar Mehaj.

Ai ka shtuar se Ministria e Mbrojtjes mbështet zhvillimin e FSK-së drejt një ushtrie të përgatitur në aspektin profesional dhe operacional që përmbush standardet e ushtrive të vendeve anëtare të NATO-s.

Postimi i plotë:

Të nderuar qytetarë të Republikës së Kosovës, ju njoftojmë që së shpejti Ministria e Mbrojtjes hap konkurs për personel civil në 75 pozita specialistike në Forcën e Sigurisë së Kosovës.

Pozitat për të cilat do të hapen konkurset janë:

Mjek specialist

Infermier

Asistent i Stomatologjisë

Biokimist

Psikolog/Psikolog Klinik

Teknik i Veterinarisë

Zyrtar Ligjor

Specialist për mbrojtje kibernetike

Zhvillues i Sistemeve

Specialist i mbështetjes teknike (sisteme, rrjeta)

Menaxher i Ëeb Faqes

Zyrtar për Mirëqenie

Zyrtar për cilësi

Teknik i ushqimit

Hidroinxhinier

Inxhinier i Ndërtimtarisë

Zjarrfikës

Mekanik

Inspektues i derivateve

Ligjërues/Instruktor i vozitjes

Konkurset do të hapen përgjatë periudhave të ndryshme kohore, në grupe, sipas fushave specifike të kërkuara.

Ushtria po rritet, e bashkë me të po ngriten dhe kapacitetet e resurseve humane.

Ministria e Mbrojtjes mbështet zhvillimin e FSK-së drejt një ushtrie të përgatitur në aspektin profesional dhe operacional që përmbush standardet e ushtrive të vendeve anëtare të NATO-s.

Andaj, ftojmë të gjithë të interesuarit të aplikojnë për pozitat specialistike të cilat do të bëhen të ditura më detajisht sapo të hapet zyrtarisht konkursi.

Ju garantojmë një proces të drejtë dhe transparent! 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat