​ZRRE priti në takim përfaqësuesit e Ambasadës së SHBA-së në Kosovë

Aktuale

​ZRRE priti në takim përfaqësuesit e Ambasadës së SHBA-së në Kosovë

Më: 26 maj 2022 Në ora: 17:52
Pamje nga takimi

Zyra e Rregullatorit të Energjisë (ZRRE) ka pritur sot në takim përfaqësues të Ambasadës amerikane në Kosovë, të cilët u informuan rreth zhvillimeve në sektorin e energjisë dhe situatës së krijuar pas pezullimit të vendimit për tarifat e energjisë elektrike.

ZRRE i njoftoi përfaqësuesit e Ambasadës amerikane për paqartësitë e implementimit si edhe për vështirësimin e mëtejmë të situatës tashmë të rënduar të sektorit të energjisë në vend.

Ndër të tjera diskutime, u elaboruan edhe veprimet procedurale të ndërmarra në këtë proces nga ZRRE, e së fundmi me parashtrimin e mjetit të jashtëzakonshëm juridik, krahas kërkesës për Mendim Juridik, në Gjykatën Supreme të Kosovës, si edhe me kërkesat tjera për sqarime ligjore tek organet kompetente të drejtësisë lidhur me implementimin e vendimit gjyqësor.

ZRRE u zotua se do të bashkëpunojë me të gjithë akterët relevantë të sektorit të energjisë për arritjen e një zgjidhjeje sa më të pranueshme për të gjitha palët.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat