Ish-shefi i Trustit: Nëse tërhiqen, të gjitha paratë do të shkojnë në Durrës

Aktuale

Ish-shefi i Trustit: Nëse tërhiqen, të gjitha paratë do të shkojnë në Durrës

Më: 26 maj 2022 Në ora: 20:19
Ilustrim

Ish-kryetari i bordit të Trustit, Ymer Havolli, ka thënë se mënyra se si po veprohet me këtë institucion në Kosovë është filli i një politike, e cila e shkatërron këtë institucion.

Ai është shprehur kundër tërheqjes së mjeteve nga qytetarët e vendit. Havolli ka thënë se, nëse tërhiqen, të gjitha këto para do të shkojnë në Durrës për pushime.

“Deputetët duhet të jenë të përgjegjshëm, të mendojnë secili nga pozicioni i tyre që nesër edhe ata, pas moshës 65-vjeçare, do t’u duhen këto mjete dhe fundi i fundit është e drejtë kushtetuese e këtyre njerëzve që të posedojnë paratë e tyre dhe nëse u lejohet tërheqja e këtyre mjeteve, të gjitha do të shkojnë në Durrës dhe kurrfarë problemi ekonomik nuk do të zgjidhin”.

“Ka justifikime të llojllojshme që i japin deputetët e njerëzit, por asnjë s’është e justifikueshme që nesër t’i krijojmë njerëzit me probleme”, është shprehur Havolli.

Sot, në Prishtinë është mbajtur një protestë, prej nga i është bërë thirrje qeverisë të lejojë tërheqjen e 30 për qind të mjeteve nga trusti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat