I dyshuari për vrasje shfaqet në Han të Elezit, i ik policisë

Aktuale

I dyshuari për vrasje shfaqet në Han të Elezit, i ik policisë

Më: 27 maj 2022 Në ora: 18:09
Lirim Tusha

Policia e Kosovës është vënë pas Hyqymet Qorrit dhe Lirim Tushës, të dy nga Kaçaniku, të dyshuar për vrasjen e Hasan Berishës dhe plagosjen e vëllait të tij, Kastriotit, më 10 maj.

Sipas burimeve të mërkurën mbrëma i dyshuari Lirim Tusha është parë në Han të Elezit nga qytetarë të cilët e kanë lajmëruar policinë.

Njësite të policisë e kanë ndjekur atë në Han të Elezit, bëjnë me dije burimet, por ai ka arritur të arratiset.

Tusha dhe i dyshuari tjetër, Hyqymet Qorri, ndodhen në arrati prej 14 ditësh. Kësisoj, një urdhër-arrest është lëshuar ndaj tyre nga Prokuroria e Ferizajt, bëri të ditur policia disa ditë më parë.

Organi i rendit dhe ligjit ka publikuar fotografitë dhe zbardhi identitetet e plota të dy të dyshuarve, si dhe kërkoi ndihmën e qytetarëve për lokalizimin dhe arrestimin e tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat