Beqiri: Deri tani kanë votuar 400 qytetarë në Tërnoc të Bujanocit

Aktuale

Beqiri: Deri tani kanë votuar 400 qytetarë në Tërnoc të Bujanocit

Më: 27 maj 2022 Në ora: 18:37
Fejzi Beqiri

Kryetari i Komisionit Zgjedhor Komunal, Fejzi Beqiri dha detaje sa i përket procesit zgjedhor të mbarëvajtur sot në Tërnoc të Bujanocit, proces i cili do të vazhdojë deri në ora 20:00.

Beqiri bëri të ditur se gjatë përsëritjes së Zgjedhjeve Parlamentare të Serbisë, në 3 raundet numri i votave dallon në masë të konsiderueshme.

Ndërkaq, sa i përket ditës së sotme, Beqiri theksoi se deri më tani kanë pasur 400 votues.

“Sa i përket raundit të parë, natyrisht që dallon në masë të konsiderueshme, mirëpo në raundin e parë kemi pasur gjithsej 226 vota për Koalicionin e Shqiptarëve, ndërsa në raundin e dytë të datës 28 prill kemi pasur gjithsej 677 vota, si dhe sot deri në ora 17:00 kemi pasur gjithsej 400 votues, duke mos i llogaritur edhe votuesit që kanë votuar jashtë vendvotimit”, tha ai.

Gjithashtu, Beqiri bëri të ditur se në Republikën e Serbisë, personat me aftësi të kufizuara dhe ata të cilët kanë probleme shëndetësore kanë të drejtën e tyre të votojnë jashtë vendvotimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat