Deputeti i Lidhjes Demokratike të Kosovës, Driton Selmanaj, ka blerë një apartament të ri që ka 98 metra katror, përveç asaj që e kishte marrë me kredi dhe kursime familjare gjatë vitit 2012.
Sipas Agjencisë Kundër Korrupsionit, ish-zëvendëskryeministri vitin e kaluar u bë me banesë të re për vetëm 40 mijë euro.
Nuk dihet lokacioni i saj, pasi i njëjti nuk ka dhënë detaje të tjera në këtë agjenci.
Edhe kjo po ashtu është marrë me kredi, sipas formularit të deklarimit të pasurisë në AKK.
Gjithsej borxhi i tij ndaj bankave është 50 mijë euro.
Këto dy banesa dhe një shtëpi që e posedon ligjvënësi opozitar prekin vlerën e 239 mijë eurove.
Mes tjerash, Selmanaj deklaroi se i ka dy vetura, që peshojnë 15 mijë e 500 euro.
Ndërkohë, në institucione financiare deputeti nga Prizreni i ka të ruajtura dy mijë e 500 euro si dhe 600 euro në emër të gruas së tij.