S’kalon rezoluta e AAK-së për situatën e sigurisë në Kosovë
Kuvendi i Kosovës nuk ka miratuar rezolutën e Aleancës për Ardhmërinë e Kosovës (AAK), pas debatit parlamentar në lidhje me situatën e sigurisë në vend.
Rezoluta mori mbështetjen e vetëm 25 deputetëve të partive opozitare, përfshirë edhe votën e kryetarit të Kuvendit, Glauk Konjufca. Ndërsa, 50 deputetët e mazhorancës shprehën kundërshtimin duke abstenuar.
Në seancën e sotme plenare, në të cilën po shqyrtohen pikat e papërfunduara nga seancat e kaluara, nuk u shqyrtua fare Projektligji për vetëqeverisjen lokale dhe Projektligji për festat zyrtare, në mungesë të deputetëve të komuniteteve jo shumicë.
Kuvendi po vazhdon punimet me pikat e tjera në rend të ditës.
