​Latifi i shqetësuar për rritjen e rasteve me COVID, paralajmërohet doza e katërt e vaksinës

Aktuale

​Latifi i shqetësuar për rritjen e rasteve me COVID, paralajmërohet doza e katërt e vaksinës

Më: 23 qershor 2022 Në ora: 13:03
Rifat Latifi

Kosova në ditët e fundit ka shënuar rritje të rasteve pozitive me COVID-19, e i shqetësuar për këtë gjendje është shprehur ministri i Shëndetësisë, Rifat Latifi i cili paralajmëroi se shumë shpejt në Kosovë do të nis vaksinimi me dozën e katërt të vaksinës anti-COVID.

Latifi u shpreh se së shpejti do të takohet Komiteti për koordinim dhe vlerësimin e situatës epidemiologjike për të diskutuar për masat e nevojshme që duhet marr. 

Latifi: Jam i shqetësuar me rritjen e rasteve me COVID 

“Unë jam i shqetësuar për atë shkak, kjo nuk është vetëm në Kosovë është në gjithë botën duke ngjarë. Është mirë që janë rastet më të buta nuk kemi vdekje tash e disa kohë, por megjithatë unë jam i shqetësuar. Komiteti për masat e duhura do të takohet shumë shpejt ne jemi duke menduar me i marr masat e duhura konform gjithë vendeve të kontinentit të Evropës dhe të gjithë botës”, theksoi ai. 

Ministri i Shëndetësisë derisa u bëri thirrje qytetarëve që të vaksinohen, paralajmëroi se shumë shpejt në Kosovë do të nisë administrimi i dozës së katërt. 

Latifi: Shumë shpejt do të nisim me dozën e katërt anti-COVID 

“Ne do t’i vendosim në bazë të atyre që ekspertizës dhe shkencëtarët tanë na këshillojnë unë kisha propozuar që ju ta plasoni dhe njëherë ftesën tonë të përgjithshme që secili që nuk është vaksinuar të vaksinohet, ata që i kanë marrë dy vaksina të marrin edhe vaksinën e tretë, por edhe shumë shpejt do të fillojmë edhe me vaksinën e katërt... Shumë shpejt, .sa më shpejt që është e mundur do të fillojmë”, theksoi Latifi. 

Kreu i shëndetësisë kosovare, Rifat Latifi shtoi se si ministri po punojnë në 17 ligje dhe akte ligjore. 

Vetëm në 24 orëshin e fundit janë regjistruar 29 raste të reja me COVID-19, ndërsa nuk është shënuar asnjë rast i vdekjes. Aktiv me COVID-19 në Kosovë vazhdojnë të jenë mbi 160 raste.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat