Një 25-vjeçare është gjetur pa shenja jete në rrugën “Lekë Dukagjini” në Prishtinë të mërkurën.
Lajmin e ka konfirmuar zëdhënësi i Policisë së Kosovës për rajonin e Prishtinës, Agron Borovci.
Ai bëri të ditur se sipas informacioneve të para, dyshimet janë se viktima ka bërë vetëvrasje.
“Mbështetur në informacionet e para, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, tha ndër tjerash ai.
