“Politikisht je tu shku atje ku kam qejf me të pa”/ Kritikohet ashpër Abdixhiku për deklaratën drejtuar Kurtit

Aktuale

“Politikisht je tu shku atje ku kam qejf me të pa”/ Kritikohet ashpër Abdixhiku për deklaratën drejtuar Kurtit

Nga: M.L. Më: 1 korrik 2022 Në ora: 08:39
Albin Kurti dhe Lumir Abdixhiku

Kryetari i Lidhjes Demokratike të Kosovës, Lumir Abdixhiku, në seancën e djeshme të Kuvendit të Kosovës hodhi një varg kritikash ndaj kryeministrit Albin Kurti lidhur qeverisjen e tij.

Mes tjerash, Abdixhiku, i tha Kurtit se “politikisht është duke shkuar atje ku ai ka dëshirë ta shoh.

“Politikisht je tu shku atje ku kam qejf me të pa, veç vazhdo”, i tha kreu i LDK-së kryeministrit.

E lidhur me këtë deklaratë ka reaguar Hafir Hoxha, ish Komandant i njësitit Policor-Ushtarak të UÇK-së.

Ai ka thënë se Abdixhiku është dashur ta ketë parasysh se atje ku “do të shkonte Kurti, do të shkonte edhe vendi e populli bashkë me të".

Zotëri Lumir, ke bërë gjest të nivelit të

Valon Syles! Kjo nuk do të duhej të ndodhte me ty!

Si është e mundur një lider, intelektual, politikan, kryetar partie me i shkua mendja me mendu , me pas këtë dëshirë, me energji kaq negative e jo humane për kolegun e vet, kryeministër të shtetit që i prin popullit !?

Nëse Kryeministri shkon aty ku “ ky paska qejf me pa” aty shkon edhe populli edhe vendi!

Fjalë e urtë popullore ; “vjehrra keqe thotë për inati të nuses me vdektë djali”

Shyqyr që po e zbulojnë herët karakterin e brendshëm disa “liderë” të rnji e populli le të mendon mirë kënd me zgjedh me u pri!”, shkroi Hoxha.

Më tej, ai theksoi se një karakter të njetë e ka ëdhe presidentja e vendit Vjosa Osmani.

Një karakter të njëjt , egoist me inati ka edhe Vjosa Osmani e cila nuk mundet të komunikojë me strukturat politike në vend dhe ushtron detyrën si ministre e punëve te jashtme!

Më duken sikur të ishin ulur me një bankë të shkollës politike ! ( e që nuk është e ish LDK-së)!

Politikisht synimi i çdo qytetari, i çdo politikani pozitë e opozitë janë angazhimi, puna, aktiviteti i tyre duhet të jetë pikësynime për nivel, për vend më të lartë më të mirë më të sigurt më të bukur për vendin e jo me pas kësi dëshire negative!”, u shpreh ai,

Kështu sipas Hoxhës, krejtësisht mbrapsht, në binarë, rrugë e kahje të gabuar qenka lokomomotiva e LDK-së!

“Skandal i madh dhe shumë negativ është ky mendim i tij për LDK-në dhe për politikën e vendit!”,përfundoi Hoxha.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat