Kërkimfalja nuk mjafton për Molliqajn, protesta për dorëheqjen e Muratit vazhdon

Aktuale

Kërkimfalja nuk mjafton për Molliqajn, protesta për dorëheqjen e Muratit vazhdon

Më: 1 korrik 2022 Në ora: 17:30
Dardan Molliqaj

Ministri i Financave, Hekuran Murati, ka kërkuar falje për statuset e shkruara para gjashtë vjetëve, por këtë nuk e pranon kryetari i PSD-së, Dardan Molliqaj.

Menjëherë pas shkrimit në Facebook të ministrit Murati, ku u kërkonte falje familjarëve dhe luftëtarëve të UÇK-së, ka reaguar Molliqaj.

Ai e ka ndërlidhur reagimin e Muratit me njoftimin e PSD-së se do të organizojnë protestë më 6 korrik, për ta kërkuar dorëheqjen e ministrit.

“Pendimi i vërtetë është dorëheqja. Shihni kalendarin: dy dite reagime në rritje dhe dy orë pas thirrjes së protestës, ministri Murati reagon. Tepër vonë për të qenë e sinqertë. Çdo kërkim falje ka qëllim amortizimin e revoltës. Dhe ruajtjen e vetës, kuptohet”, ka shkruar Molliqaj në Facebook.

Ai ka thënë se “presioni nuk pranohet” dhe se protesta e planifikuar do të mbahet.

Ministri Murati ndërkaq ka thënë se postimet e vitit 2016 për veteranët i ka shkruar nga mllefi për “fryerjen e listave” në atë kohë.

Ai thotë se u përulët kontributit të luftëtarëve dhe u ka kërkuar falje, pasi konsideron  se ka përdorur gjuhë të gabuar. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat