Punëtorët e ujësjellësit ia prishën rrugën që e shtroi vetë, nervozohet Behgjet Pacolli

Aktuale

Punëtorët e ujësjellësit ia prishën rrugën që e shtroi vetë, nervozohet Behgjet Pacolli

Më: 2 korrik 2022 Në ora: 11:29
Pacolli tha se këtë rrugë e ka shtruar fondacioni i tij “Behgjet Pacolli”

Kreu i AKR-së, Behgjet Pacolli, është nervozuar me pakujdesinë që ka lënë pas ujësjellësi i Prishtinës pas një pune që ka kryer në një rrugë të lagjes “Hajvalia”.

Pacolli tha se këtë rrugë e ka shtruar fondacioni i tij “Behgjet Pacolli” dhe se edhe tash kur po ka dëmtime, përgjegjësinë për riparim po ia lënë atij.

Për këtë ai ka shkruar në Facebook, duke njoftuar se i ka rregulluar sërish pjesët e prishura dhe njëkohësisht ka kërkuar që të jenë më të ndërgjegjshëm në punë.

“Mendoj se të gjithë jemi dakord që është momenti i fundit në të cilin duhet të ndërgjegjësohemi dhe ta kryejmë punën tonë të përditshme me dinjitet dhe përgjegjësi; Kjo nuk ka ndodhur me kompaninë “Ujësjellësi” Pr, e cila vjen, dëmton rrugën duke hapur gropat për nevojat e veta dhe nuk shqetësohet ta rikthejë në kushte të mëparshme”.

Financimin për hapjen, ndërtimin dhe asfaltimin e  kësaj rrugë me gjatësi 3.35 km e ka mundësuar Fondacioni “Behgjet Pacolli”.

“Kjo rrugë sot pos trafikut, përdoret edhe si shëtitore kryesore për banorët e Hajvalisë.  Asnjë institucion,  jo që nuk e vlerësoj këtë punë (mbi 900,000 euro) por edhe nuk e mirëmbajnë duke ia lenë barrën prapë fondacionit tim. Minimumi që është dashur të respektohet që me qëllim mos ta shkatërrojnë atë, ashtu si veproi  Ujësjellësi i Prishtinës”, ka shkruar Pacolli.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat