“Bukë, krypë e zemër të bardhë”/ Ministri Peci paralajmëron rendimente të larta të grurit

Aktuale

“Bukë, krypë e zemër të bardhë”/ Ministri Peci paralajmëron rendimente të larta të grurit

Nga: A.M. Më: 3 korrik 2022 Në ora: 12:55
Faton Peci dhe Albin Kurti

Ministri i Bujqësisë, Faton Peci së bashku me kryeministrin Albin Kurti kanë vizituar në fermerë në komunën e Suharekës.

Peci përmes një postimi në Facebook tregoi për këtë vizitë, derisa përmendi të mirat që bujqit në Kosovë kanë përfituar nga mbështetja e qeverisë Kurti 2.

“Thjeshtëzimi i procedurës së aplikimit ka sjellë rritje të sipërfaqeve të mbjellura, e për fat, këtë vit presim dhe rendiment më të lartë falë kushteve të volitshme klimatike që kanë mbizotëruar në vendin tonë.

Djersa e bujkut është dukati me të cilën paguajmë bukën e përditshme andaj duhet vlerësuar maksimalisht.

Bukë, krypë e zemër të bardhë”, u shpreh Peci, përcjell “Bota sot”.

Postimi i plotë

🌾Bukën tonë të përditshme, falna sot!

🚜Sot së bashku me Kryeministrin Albin Kurti, në fshatin Sopi të Komunës së Suharekës, vizituam fermerin Fazli Beqiraj i cili posedon rreth 60 hektarë grurë, ku edhe filluam korrje-shirjen e grurit.

👨‍🌾Bujku kosovar, falë mbështetjes së Qeverisë Kurti 2, për vetëm një vit udhëheqje është bujku më i përkrahur krahasuar me vendet e rajonit.

🇽🇰Qeveria ka prioritizuar bujqësinë duke rritur përkrahjen deri në 👉52 milionë euro👈 për Programin e Pagesave Direkte / Subvencioneve 2022, ku teksa flasim, procesi i kontrollës administrative dhe asaj në teren po vazhdon.

🌾1 ha me grurë këtë vit do të subvencionohet me rreth 474€, duke përfshirë për herë të parë subvencionimin e vlerës së akcizës së naftës prej 0.36 cent si dhe plehërimin pranveror me 150€ për hektarë.

👨‍🌾Poashtu, bujqit kanë mundësinë e subvencionimit për rendiment të grurit me 0.03 cent për kilogram, përmes dorëzimit në mullinj. Kultura e grurit ka një rritje prej 216% të mbështetjes financiare krahasuar me qeverisjet e kaluara.

📝Thjeshtëzimi i procedurës së aplikimit ka sjellë rritje të sipërfaqeve të mbjellura, e për fat, këtë vit presim dhe rendiment më të lartë falë kushteve të volitshme klimatike që kanë mbizotëruar në vendin tonë.

🤝Djersa e bujkut është dukati me të cilën paguajmë bukën e përditshme andaj duhet vlerësuar maksimalisht.

🤍Bukë, krypë e zemër të bardhë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat