Tregon ish-kryeshefi i IPK-së: Në këto raste policët mund ta përdorin armën

Aktuale

Tregon ish-kryeshefi i IPK-së: Në këto raste policët mund ta përdorin armën

Më: 4 korrik 2022 Në ora: 17:52
Fitim Shishani

Fitim Shishani, ish-kryeshef i Inspektoratit Policor të Kosovës ka thënë se policët mund ta përdorin armën e zjarrit.

Shishani tha në Frontal të T7 se ka disa raste ku sipas ligjit, zyrtarëve policorë u lejohet edhe të qëllojnë. Së fundmi, ai tha se është zgjeruar hapësira e rasteve se kur policët mund ta përdorin armën e zjarrit.

“P.sh. me qëllim të mbrojtjes së jetës dhe sigurisë personale, me qëllim të mbrojtjes së jetës së qytetarëve, me qëllim të parandalimit të veprës penale të rrezikshme për shoqërinë e deri te – ka hyrë goxha vonë një dispozitë tjetër – polici ka të drejtë ta përdorë armën e zjarrit edhe në momentin kur rrezikohet ai apo ndokush tjetër nga kafshët”, tha ai.

Ish-kryeshsefi i IPK-së tha se polici duhet të jetë vigjilent dhe ta vlerësojë situatën për çështje sekondash.

“Polici mirë është.. ose polici, ose qytetari që të mos nguten në aktin e fundit”, tha Shishani.

Etika, sipas tij, është shumë e rëndësishme te policër, përveç profesionalizmit.

Shkeljet më të shpeshta janë ato të cilat bëhen në komunikacion. Ka pasë edhe plagosje të rënda dhe plagosje të lehta që i kanë shkaktuar policët e që kanë mundur t’i evitojnë”, tha Shishani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat