Von Cramon i drejtohet Francës dhe Holandës: Është koha të hiqen vizat për Kosovën

Aktuale

Von Cramon i drejtohet Francës dhe Holandës: Është koha të hiqen vizat për Kosovën

Më: 6 korrik 2022 Në ora: 14:08
Viola Von Cramon

Eurodeputetja gjermane, Viola Von Cramon i është drejtuar me kërkesë Francës dhe Holandës, dy vendeve anëtare të BE-së, skeptike për heqjen e vizave për qytetarët e Kosovës, që të heqin bllokadën për këtë çështje.

Pas votimit të raportit të Parlamentit Evropian për Kosovës, raportuesja për Kosovën në PE tha se “tash është koha që të miratohet vendimi për liberalizimin e vizave”.

“Sa i përket Këshillit, dhe në këtë kontekst dëshiroj t’i drejtohem drejtpërdrejt Francës dhe Holandës – tash është koha që të miratohet vendimi për liberalizimin e vizave”, tha raportuesja Viola von Cramon.

Çështja e liberalizimit të vizave përmendet edhe në raportin për Kosovën të miratuar sot në Parlamentin Evropian.

“Vota e sotme dëshmon përkushtimin e Parlamentit për integrimin e Kosovës në BE dhe jep një udhëzime se si mund të zbatohen standardet evropiane në Kosovë. Kosova ka dëshmuar në vazhdimësi përkushtimin për të avancuar në reformat e lidhura me BE-në dhe është pozicionuar qartë si një partner i besueshëm, i fuqishëm i lidhur me aleancën evropiane dhe transatlantike. Për fat të keq, BE-ja ka dështuar që të sigurojë lëvizjen pa viza për qytetarët e Kosovës. Unë shpresoj vërtetë se ky është raporti i fundit ku përmendet dështimi i liberalizimit të vizave”, tha Viola von Cramon.

Votimi i raporteve për Kosovën, Serbinë dhe Bosnjë e Hercegovinën, i cili ndodhi sot në PE, pason debatin e mbajtur një ditë më parë për këto dokumente.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat