Ministrja e Drejtësisë, Albulena Haxhiu ka folur rreth procesit të Vettingut dhe ndryshimeve që pritet të ndodhin në sistemin e drejtësisë pas rekomandimit nga Komisioni i Venecias.
Tutje, ajo komentoi edhe një deklaratë të kolegut të saj nga radhët e VV-së, Dimal Bashës, ku thoshte se në Kosovë nuk do të ketë asnjëherë drejtësi.
E parja e drejtësisë në vend tha se ka qenë reagim i momentit, teksa shtoi se nuk synon ta arsyetojë.
Tutje ajo iu lutë edhe deputetëve të tjerë që mos të japin deklarime të tilla.
"Po, pas kësaj deklarate i kam thënë qëndrimet e mia se pse ajo është e papranueshme. Unë mendoj se ka qenë reagim i momentit nga Basha, pa dashur ta arsyetojë. I kam dhënë qëndrimet e mia që reagimet e tilla nuk janë të duhura dhe natyrisht që i lus deputetët e Kuvendit mos t'i bëjnë të tilla", tha mes të tjerash Haxhiu .
