Haradinaj: Lejimi i shamisë në shkolla do legjitimonte diskriminim dhe shtypjen e vajzave

Aktuale

Haradinaj: Lejimi i shamisë në shkolla do legjitimonte diskriminim dhe shtypjen e vajzave

Më: 12 gusht 2022 Në ora: 13:07
Meliza Haradinaj

Meliza Haradinaj, ish-kryediplomate, ka reaguar rreth debatit për lejimin e shamisë në shkolla.

Ajo ka thënë se Kosova është shtet sekular dhe se të gjithë duhet ta mbajmë dhe ta forcojmë si të tillë.

Po ashtu Haradinaj ka thënë edhe se lejimi i bartjes së shamisë për vajzat në shkolla fillore e të mesme do lehtësonte e legjitimonte akoma më shumë diskriminimin dhe shtypjen ndaj vajzave që në moshë të mitur, pa patur asnjë barrierë a pengesë për një gjë të tillë.

Postimi i plotë:

Para se ta trajtojmë bartjen e shamisë në shkollat fillore e të mesme si e drejtë bardh e zi, duhet t’a debatojmë para së gjithash – se a është fare ‘e drejtë njerëzore’ bartja e shamisë fetare nga vajzat e mitura?

A mund të definohet si ‘e drejtë dhe liri njerëzore’ një imponim veshjeje ndaj një vajze e cila ende nuk mund të gjykojë e të vendosë për veten e saj?!

Asnjëherë NUK mund t’a quajmë ‘të drejtë njerëzore’ një imponim të prindit ndaj vajzës së mitur për të bartë shaminë, e pastaj përmes këtij imponimi (të kamuflluar si e drejtë nj.) të shtyejmë përpara agjenda e interesa të grupeve fetare, politike e ekonomike – permes shkolles!

Lejimi i bartjes së shamisë për vajzat në shkolla fillore e të mesme do lehtësonte e legjitimonte akoma më shumë diskriminimin dhe shtypjen ndaj vajzave tona që në moshë të mitur, pa patur asnjë barrierë a pengesë për një gjë të tillë.

Në momente hamendësimi popullor, sikurse është rikthyer sot debati mbi shaminë, uniforma obligative në shkolla fillore dhe të mesme do të ishte zgjidhja. Në universitet, le të vendosë secili e secila për menyrën e veshjes/paraqitjes personale.

Kosova është shtet sekular, dhe të gjithë duhet të ‘luftojmë’ t’a mbajmë e forcojmë si të tillë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat