​Reduktimet e rrymës pengojnë mbarëvajtjen e ligjëratave në Seminarin për Gjuhën Shqipe

Aktuale

​Reduktimet e rrymës pengojnë mbarëvajtjen e ligjëratave në Seminarin për Gjuhën Shqipe

Më: 17 gusht 2022 Në ora: 16:03
Foto ilustrim

Seminari Ndërkombëtar për Gjuhën, Letërsinë dhe Kulturën Shqiptare, më i rëndësishmi në fushën e albanologjisë po ballafaqohet me probleme teknike. Ligjëratat e parapara për ditën e sotme në kuadër të këtij seminari, u shtynë për shkak te mungesës se rrymës.

Reduktimet e energjisë elektrike penguan mbajtjen e ligjëratave mëngjesin e sotëm për më shumë se 100 seminaristë.

Sipas drejtorit te seminarit, Shkumbin Munishi kjo po praqet vështirësi në organizimin e edicionit të 40-të të këtij seminari.

Ai njofton për KosovaPress se mëngjesin e sotëm ligjëratat e parapara në orën e caktuar nuk janë mbajtur për shkak te ndërprerjes së rrymës.

Munishi: Problemin e vetëm e kemi me energji elektrike

“Seminari po shkon shumë mirë, nuk kemi probleme, përveç problemit teknik sikur tani që kemi problemin me furnizimin e energjisë elektrike, i cili mund të ndikojë eventualisht në shtyrjen e ligjëratave apo të aktiviteteve të tjera për ndonjë orë tjetër”, thotë ai për KosovaPress.

Se mungesa e energjisë elektrike po u shkakton telashe në mbarëvajtjen e ligjëratave e thotë edhe seminaristja, Sara Elshani.

Ajo tregon se vjen nga Austria ndërkohë që pret para Fakultetit Filologjik për të mbajtur ligjëratën e cila ishte shtyrë për shkak të reduktimeve të rrymës.

Elshani: Është shtyrë ligjërata për shkak të rrymës

“Kam ardhur në këtë seminar me qëllim ta mësojë më mirë gjuhën shqipe... Po tash në ora 11:00 kemi pas një ligjëratë, mirëpo është shtyrë për në ora 12:00 sepse s’ka rrymë”, tha ajo.

Sot kanë vazhduar reduktimet e rrymës në vendin tonë. Ndërsa dyfishimi i tarifave të rrymës të propozuara të premten nga furnizuesi me rrymë KESCO, në kërkesën e bërë te Zyra e Rregullatorit të Energjisë për shqyrtim të jashtëzakonshëm të tarifave, është në proces të shqyrtimit të aplikimit të tarifave të reja.

Ndonëse Ministria e Ekonomisë pati deklaruar se është zgjidhur problemi me energji elektrike, KOSTT sot ka lëshuar një komunikatë ku qartëson se për oraret e furnizimeve me rrymë, konsumatorët duhet të drejtohen në KEDS.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat