Humolli: Do të votoj pro tërheqjes së 30% nga Trusti

Aktuale

Humolli: Do të votoj pro tërheqjes së 30% nga Trusti

Më: 28 shtator 2022 Në ora: 17:49
Fatmir Humolli

Deputeti i VV-së, Fatmir Humolli, ka rikthyer edhe njëherë temën e tërheqjes së 30 %, nga trusti,

Ai ka thënë se do të votoj pro këtij vendimi më arsyetimin se ka pritur që të formohet Banka Shtetërore e Kosovës, por një gjë e tillë nuk ka ndodhur.

“Tash do të votoj pro trustit për me tërheq. Herën e kaluar kam abstenuar sepse kam pritur që do të bëhet Banka Shtetërore e Kosovës dhe mjetet financiare të Kosovës do të hyjnë përmes Bankës Shtetërore, të cilat do t’i orientojnë kah investimet kapitale. Ajo nuk po bëhet dhe për mua ka qenë shumë brengosje kjo humbja e përmbi 160 milionë eurove jashtë”, ka deklaruar Humolli.

Sipas Humollit, çdo Qeveri në kohë krize nuk lejon që resurset financiare të dalin jashtë, pasi që tani jemi duke i qit jashtë resurset financiare.

“Në kushte normale çdo qeveri resurset financiare në kohë krize nuk i lejon me dal jashtë. Ne jemi prap duke qitë jashtë mjete financiare që do ta dëmtonte ekonominë e vendit tonë. Më duket më korrekte që t’i shfrytëzojnë qytetarët tanë se sa kompanitë ndërkombëtare”, deklaroi Humolli.

I pyetur nëse ka edhe deputete tjerë nga radhët e LVV-së që do të votojnë pro, Humolli refuzoi që të përgjigjej duke thënë se i takon deputetëve në mënyrë të pavarur të vendosin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat